طريقه جديده لعمل الكفته المشويه

طريقه جديده لعمل الكفته المشويه

    طريقه جديده لعمل الكفته المشويه

    هقولكم ع طريقه عمل الكفته المشويه بطريقه جديده ومش هتكش بالعكس حجمها هيفضل زي ما هوا باضافه مكون هقولكم عليه

    المقادير والطريقه

    • نصف كيلو لحمه مفرومه عليها حته دهن
    • بصلتين متوسطي الحجم مفرومين هنعصرهم وننزل المياه بتاعتهم ف طبق هنستخدم المياه بعد كدا مش هنرميها
    • هنحط البصل ع اللحمه المفرومه
    • هتجيبي ملعقتين بقسماط مطحون
    • ونجيب حزمتين خضرة هنقصهم رفيع جدا بالنقص ونضعهم ع اللحمه
    • هنضع ملح وفلفل اسود وشطه ع الخليط
    • هنضع المكون اللي هيخلي اللحمه متكشش ويفضل حجمها زي ما هو وهي ملعقة كبيرة بيكنج بودر
    • هنعجن المكونات بادينا


    لو عندك سياخ الشوي خير وبركه ولو مفيش هنجيب السيخ بتاع الفرن وهنجيب الخليط ونلفه ع السيخ ونبل ايدينا في مياه البصل بعد ما نتبلها بالملح والفلفل الاسود ونصبع ونخرج الصوباع نحطه ف الصينيه وهكذا نكرر لحد الصينيه ما تتملي وبعدين هنحط ملعقة سمنه ف الصينيه ونديها صدمه ع النار ونقلبها وبعدين نحط مياه البصل ف الصينيه ونضعها في الفرن لحد للمياه بتاعة البصل ما تنشف ونطلعها ف طبق ونضع فوقها الخضرة ونجيب طحينه وبطاطس محمرة وسلطه وعيش وبالهنا والشفا بصراحة جربتها طلعت وهم اتمني تعجبكم
    Maged Ashraf
    @مرسلة بواسطة
    كاتب ومحرر اخبار اعمل في موقع حصري نيوز مواضيع حصريه ومتنوع في كل المجالات .

    إرسال تعليق