طريقه عمل البسبوسه بالقشطه

• كوب سميد ناعم .
• ٢ملعقه سكر ناعم مش باودر.
• ملعقه صغيره بيكنج باودر .
• كوب زبادي صغير.
• ٢ملعقه كبيره سمن بلدي .
• لمقاديرالقشطه:
• ٢ كوب حليب .
• كوب سكر .
• كوب قشطه بلدي .
• ٤ ملاعق نشا ذره.
• ٢ملعقه كبارحليب مكثف .
• ٢ ملعقه فانيليا ويفضل تكون سائله.

• كوب سكر .
• كوب و نصف ماء .
• فانيليا .
• عصره ليمون.

طريقه عمل البسبوسه بالقشطه : تخلط مكونات البسبوسه مع بعضها ويفضل عدم الخلط الكتير للخليط وده علشان منشغلش الجلوتين اللي في السميد وتطلع ناشفه معاكي،وفي صينيه تدهن بالطحينه من القاع وناخد نصف البسبوسه ونفردها في القاع وندخلها علي فرن سبق تسخينه لمده خمس دقائق ولو الوش متحمرش تطلعيها دقيقتين عند الشوايه ،

ونكون مجهزين القشطه بوضع النشا مع كوبين اللبن وتقليبهم كويس ورفعهم علي النار واول ما يسخنوا نضيف السكر والقشطه واللبن المكثف وتقلبيهم باستمرار عشان النشا ميكتلش معاكي ،واما تتقل معانا نضيف الفانيليا ونقلب بعدين تطفي النار عليها .وتضيفيها لطبقه البسبوسه الي جهزتيها وتضعي باقي عجينه البسبوسه علي وش القشطه بالراحه وبعدين تدخليها الفرن لمده خمس دقائق وبعدها تشغلي الشوايه وتحطي الصينيه بعيد عن الشوايه علشان الوش يتحمر براحته ،واكيد تخرجيها وتسقيها بالشربات وهو سخن . وبالف هنا وشفا .